संस्थाको १५ औं साधारण सभाको जानकारी सम्बन्धमा

श्री सबै साधारण सदस्यज्यूहरू

उपरोक्त सम्बन्धमा यस संस्थाको मिति २०८० भाद्र २४ गते सम्पन्न कार्यसमितिको बैठकबाट संस्थाको बार्षिक साधारण सभाहरू निम्न लिखित, मिति, समय, स्थान र छलफलका विषयहरूमा हुने निर्णय भएको हुँदा संस्थाको विधानको दफा ९ (ख) अनुसार संस्थाको साधारण सदस्यता नियमित नविकरण गरिसक्नु भएका साधारण सदस्य ज्यूहरूलाइ साधारण सभामा उपस्थितिको लागि हार्दिक अनुरोध गर्दछु । यदि साधारण सदस्यता नविकरण नगर्नु भएका सदस्यहरूले २०८० असोज १० गते भित्र संस्थाको कार्यालयमा आइ नियमानुसार सदस्यता नविकरण गर्नुहुन पनि जानकारी गराइन्छ ।  

छलफलका विषयहरू (एजेन्डाहरू)

१. आ.ब. २०७९/८० को बार्षिक प्रतिवेदन पारित गर्ने सम्बन्धमा ।

२. आ.ब. २०७९/८० को आर्थिक प्रगति प्रतिवेदन पारित गर्ने सम्बन्धमा ।

३. कार्यसमितिले हालसम्म गरेका निर्णयहरू अनुमोदन गर्ने सम्बन्धमा ।

४. संस्थाका नयाँ नीति पारित र पुराना निति संशोधन गर्ने सम्बन्धमा ।

५. आ.ब. २०८०/८१ को लागि लेखापरिक्षक नियुक्ति गर्ने सम्बन्धमा ।

साधारण सभा हुने

मितिः २०८० असोज १६ गते मंगलबार (इ.सं. अक्टोबर ३, २०२३) ।

समयः विहान ११ बजे ।

स्थानः सितल चौतारी रेष्टुरेन्ट, नयाँ बानेश्वर ।

धन्यवाद ।

(गणेश के.सी.)

महासचिव